Saturday, January 30, 2016

Org Nismilan Sosek

Tigo pomudo sosek kek padang pasir . Dah bobulan tak makan..badan kughuih koghing sampai jalan pun tepakso meghangkak.Kalau bejalan pun kojap-kojap toguling sobab  tesepak kaki senighi.

Nak di jadikan ceghito...tojumpo la lampu ajaib.Macam biaso la...bilo gosok kelua jin.
`Ekau bulih buek tigo pemintaan...tompi sobab kau tigo oghang...setiap soghang bulih buek satu pemintaan` kato jin

Pomudo petamo kato `Den nak mintak balik kampung jumpo balik mo family den`
Jin pun topuk tangan~ontah apo jampi sihir di baco ey...pomudo tu tetibo yo dah ado kek kampung.suko amek ati ey dapek jumpo anak bini dan sanak sedagho.

Pomudo keduo pun cantu yo kondak ey.`Den pun nak mintak balik kampung yo` tey
Jin topuk yo tangan sekali...lansung dio pun tetibo yo dah ado kek kampung ey.nek moyangan suko ati ey

Sampai giliran pomudo yang ketigo....`kau nak mintak apo?` Tanyo jin

`Tu la tu....member deduo dah takdo ni....sunyi lak ghaso ey...Bulih tak kau bawak dio beduo tu balik semulo  ke sini`

Jin pun topuk tangan ey sekali ...tetibo duo pomudo yang dah sampai kampung  tadi tepaco balik kek situ lam keadaan tepingo-pingo.

Mako sambung la balik meghangkak kek padang pasir tu betigo sambey betokak bebeghapo bulan laie.

*Moral of the story : Apa-apa hal bawak bobincang dulu.

Related Posts Plugin for WordPress, Blogger...